Undarleg stefna í heilbrigðismálum

Categories
Fréttir

Guðrún Bryndís Karlsdóttir, sjúkraliði og verkfræðingur, hélt afar fróðlegan fyrirlestur um stöðuna í heilbrigðismálum hér á landi á fundi sem var haldinn á vegum stjórnar SAMSÖÐU-Reykjavík í gærkvöldi. Fundurinn fór fram að Ofanleiti 2. Þó hann væri frekar fámennur, ekki nema um tuttugu manns, þá spunnust afar fróðlegar umræður í kjölfar erindis hennar.

Guðrún Bryndís Karlsdóttir flytur erindi um stöðu heilbrigðismála á fundi stjórnar SAMSTÖÐU-Reykjavík sem fram fór að Ofanleiti 2 í gærkvöldi

Í stuttu máli má draga kjarna þess sem kom fram í vönduðum fyrirlestri Guðrúnar Bryndísar saman með því að benda á að heilbrigðisþjónustan í landinu líður fyrir stefnu stjórnvalda varðandi það hvernig heilbrigðiskerfið skal uppbyggt. Þar má m.a. benda á þá sérkennilegu þróun að öll þjónusta sem lögð er niður er beint á Landspítalann eins Guðrún Bryndís benti á í erindi sínu:

Með fjárlögum virðist þjónustu á öllum stigum stýrt til LSH:

  • Sameining St. Jó við LSH
  • Sameining Sogns við LSH
  • Næturþjónusta heilsugæslu höfuðborgarsvæðisins lögð af
    • Bráðamóttaka LSH tekur við
  • Styttri opnunartími Barnalæknavaktarinnar
    • Bráðamóttaka barna á LSH tekur við
  • Minni framlög til heilbrigðisstofnana 
    • LSH tekur við

Um leið og SAMSTAÐA þakkar Guðrúnu Bryndísi fyrir afar fróðlegt og vekjandi erindi skal bent á  að síðasti fundurinn á vegum stjórnar SAMSTÖÐ-Reykjavík fer fram fimmtudagskvölið, 6. desember. Aðalframsögmaður á þeim fundi verður Harpa Njálsdóttir, félagsfræðingur. Fundurinn verður auglýstur nánar síðar í vikunni.